Еріктілік – өзгелердің игілігі үшін өз еркімен, саналы түрде, ақысыз
атқарылатын қызмет.
Еріктілер зообақта немен айналысады, олардың көмегі не үшін қажет?
Еріктілердің зообақ қызметкерлеріне көмегі, бірінші кезекте, келушілер
арасында түсіндіру жұмыстарын жүргізу.
Зообақтың әрбір қонағына, зообақтың жануарларын тамақтандыруға
болмайтынын жеткізу қажет!
Алматы зообағының барлық жануарлары ғылыми негізде жеткілікті ас
мөлшерімен тамақтандырылады.
Жануарларды олардың ас мөлшеріне кірмейтін азықпен тамақтандырғанда олар
ауырып қалады, тіпті кейде өліп қалуы да мүмкін.
Еріктілер – зообақтың келесі іс-шараларына қатыса алады:
– Зообақ жануарларының амандығын қадағалауға көмектесу (келушілердің ішінен
жануарларды өздері әкелген азықпен тамақтандырғандарды анықтау),
– Келушілерге зообақ аумағында бағдар беру,
– Зообаққа келушілерді кіргізу кезіндегі қарбалас сәтте көмектесу (зообақ
аумағындағы тәртіп ережелерімен таныстыру),
– Зообақ аумағын тазалау жұмыстарына көмектесу,
– Зообақтың мерекелік, мәдени іс-шараларын өткізуге көмектесу,
– Зообақ әкімшілігімен келісілген, кез-келген басқа да көмектер көрсету.
Біздің жалпы мәдениетіміздің көрсеткіші – әлсіздерге көмек көрсету,
жануарларға қамқорлық жасау арқылы біз өзімізді және балаларды
мейірімділікке, жанашырлыққа, жауапкершілікке тәрбиелейміз.
Қосымша ақпарат:
телефон арқылы: +7 (777) 389 11 33
электрондық пошта арқылы: almaty.zoo@mail.ru